मकवानपुर प्रहरीलाई स्वास्थ्य सुरक्षा सामाग्री
हेटौंडा । जिल्ला प्रहरी कार्यालय मकवानपुरलाई स्वास्थ्य सुरक्षा सामाग्री प्रदान गरिएको छ । आज नेपाल औषधि ब्यवसायी संघ मकवानपुरले कोरोना भाइरस (कोभिड १९) को माहामारीमा खटिएका मकवानपुर प्रहरीलाई बिबिध सामाग्री हस्तान्तरण गरिएको हो ।
संघले सर्जिकल मास्क ३ हजार ५ सय थान, सेनिटाईजर २ सय पिस, हात धुने साबुन २ सय पीस जिल्ला प्रहरी कार्यालयलाई हस्तान्तरण गरिएको हो । कार्यक्रममा औषधि ब्यवसायी संघ मकवानपुर अध्यक्ष सुधिर दाहाल, मेलान केन्द्रिय सचीवालय सदस्य उत्सब चौलागाईं लगायत ब्यवसायीहरुको सहभागिता रहेको थियो ।
