प्रदेश १ : कोरोना उपचारपछि निको भएर फर्किनेको सङ्ख्या १६ पुग्यो
माेरङ – विराटनगरको कोरोना अस्पतालमा उपचार गराइरहेका थप दुई जना आज डिस्चार्ज भएर घर फर्किएका छन् ।
कोरोना विशेष अस्पताल (कोभिड-१९) उपचार केन्द्रमा उपचार गराइरहेका भोजपुर र झापाका एक/एक जना निको भएर घर फर्किएका सामाजिक विकासमन्त्री जीवन घिमिरेले जानकारी दिनुभयो । याेसँगै प्रदेश १ मा काेराेना उपचारपछि निकाे भएर घर फर्किनेकाे सङ्ख्या १६ पुगेको छ ।
विराटनगर अस्पतालमा उपचार गराइरहेका ३५ जनामध्ये १६ जना उपचारपछि निको भएर फर्किएसँगै अहिले १९ जनाकाे उपचार भइरहेकाे छ ।
प्रदेश १ मा हिजाे थप एक जनामा कोरोना पोजेटिभ पुष्टि भएको थियाे । उदयपुरको भुल्केमा एक महिलालाई कोरोना पुष्टि भएको हो । याेसँगै प्रदेश १ मा कोरोना सङ्क्रमितकाे सङ्ख्या ३५ पुगेको हाे ।
