मकवानपुरको कैलासमा भिरबाट लडेर महिलाको मृत्यु
हेटौंडा । मकवानपुरको कैलासमा भिरबाट लडेर महिलाको मृत्यु भएको छ । बाख्राचराउन गएकी महिलाको भिरबाट लडेर मृत्यु भएको जिल्ला प्रहरी कार्यालय मकवानपुरले जनाएको छ ।
कैलाश गाउँपालिका वडा नम्बर १ मानेडाँडाका ४१ बर्षीया गौरीमाया थिङको भिरबाट लडेर मृत्यु भएको हो । थिङ मानेडाँडा भिरबाट अन्दाजी ६० मिटर तल खोलामा खसेर मृत्यु भएको जिल्ला प्रहरी कार्यालय मकवानपुरका सूचना अधिकारी प्रहरी निरीक्षक सुजन पाठकले बताउनुभयो ।
