माघमा कास्कीको हिमपहिरोमा हराएका सात जनामध्ये एक नेपालीको शव उद्धार
काठमाण्डौ – गएको माघ ३ गते कास्कीको अन्नपूर्ण गाँउपालिका–१ हिङकु इलाकामा हिमपहिरोमा परि हराएका सात जनामध्ये एक नेपालीको शव उद्धार गरिएको छ ।
हिमपहिरोमा परी बेपत्ता भएका तीन जना नेपाली गाइड तथा चार जना कोरियन पर्यटकहरुमध्ये नेपाली सेनाले धादिङका मेमबहादुर तामाङको शव उद्धार गरी नेपाल प्रहरीको जिम्मा लगाएको हो ।
हराएकामध्ये एक नेपाली गाइडको शव यस अघि नै फेला परिसकेको र थप एक नेपालीको शव देखिएको हुँदा शव निकाल्ने तथा अन्य बेपत्ताहरुको खोजी भैरहेको नेपाली सेनाले जनाएको छ ।
अझै पनि बाक्लो हिउँ रहेकोले खोजी कार्यमा समस्या रहेको सेनाले जनाएको छ ।
