हेटौंडाका प्रमुख प्रशासकिय अधिकृत पौडेलको स्वागत, बगालेको विदाई
हेटौंडा । हेटौंडा उपमहानगरपालिकाले नयाँ प्रमुख प्रशासकिय अधिकृत सहसचिव कबिराज पौडेललाई आज एक कार्यक्रमका विच स्वागत गरेको छ । यसअघि प्रमुख प्रशासकिय अधिकृतको रुपमा कार्यरत उपसचिव गोपाल प्रसाद बगालेको विदाई पनि गरिएको छ ।
उपमहानगरपालिकाका उपप्रमुख मिना कुमारी लामाले दुवैजनालाई फूल र अविर लगाएर स्वागत र विदाई गर्नुभयो । पहिले कार्यरत बगालेले उपमहानगरपालिकामा गरेको कामको जनप्रतिनिधिले उच्च मुल्याङकन गरेको वताउनुभयो ।
आजबाट हाजिर हुनु भएका पौडेलबाट समग्र नगरको विकासमा सहयोग पुग्ने लामाले वताउनुभयो । कार्यक्रममा हेटौंडाका विभीन्न वडाका वडा अध्यक्षहरु, कार्यालयका कर्मचारीहरु लगायतकाको सहभागिता रहेको थियो ।
