बागमती प्रदेशसभाका सचिव खड्काको हेटौंडामा सपथ
हेटौंडा । बागमती प्रदेशसभामा आजबाट नयाँ सचिवले काम थाल्नुभएको छ । प्रदेशका सभामुख सानुकुमार श्रेष्ठले प्रदेशसभा सचिवमा नियुक्त हुनु भएका कृष्णहरि खड्कालाई आजै सपथ ग्रहण गराएसंगै आजैबाट काम सुरु गर्नुभएको हो ।
संघीय संसदमा विगत २५ वर्ष देखि हिजो सम्म सहसचिवका रुपमा कार्यरत खड्कालाई सभामुख सानुकुमार श्रेष्ठको सिफारिसमा प्रदेश प्रमुख विष्णु प्रसाद प्रसाईले नियुक्त गर्नुभएको थियो । आजै प्रदेशप्रमुखको नियुक्ती गरेसंगै आजनै सभामुख श्रेष्ठले पद तथा गोपनियताको सपथग्रहण गराउनुभयो ।
प्रदेशसभाका सचिव रामशरण घिमीरेले यही फागुन १७ गते अनिवार्य रुपमा अवकास प्राप्त गरेपछी खड्कालाई नियुक्त गरिएको हो ।
संघीय संसदमा पनि लामो समयसम्म काम गरेको अनुभवका आधारमा उहाँलाईनै नियुक्त गरिएको सभामुख श्रेष्ठले वताउनुभयो । अव संसदको काम राम्रोसंग अगाडी वडानका लागि थप सहजता भएको श्रेष्ठले वताउनुभयो ।
यो पनि पढ्नुहोस्
