मकवानपुरमा दुई जोडी बालबालिकाको विवाह बदर

जनपत्र
२ फाल्गुन २०७६, शुक्रबार ०६:२६

हेटौंडा । मकवानपुरका दुईवटा गाउँपालिकामा दुई जोडी बालबालिकाको विवाह वदर गरिएको छ । मकवानपुरको भीमफेदी गाउँपालिका र बकैया गाउँपालिकाका २० वर्ष पुरा नभएका दुई जोडी बालबालिकाहरुको बुधबार प्रेम विवाह बदर गरिएको छ ।

नेपालको तत्कालिन कानुन अनुसार २० वर्ष पुरा नभए केटाकेटीहरु श्रीमान श्रीमतिको रुपमा संगै बस्न नपाइने प्रावधान रहेकोले विवाह बदर गरिएको हो । सरकारको समृद्ध नेपाल सुखी नेपाली बनाउने अभियान अन्तर्गत सबै स्थानीय तहहरुलाई बालमैत्री घोषणा गर्ने नीति अनुसार ३९ ओटा मापदण्डहरु निर्माण गरेका छन् । ती मापदण्डहरु मध्ये एउटा बालविवाह मुक्त गर्न अनिवार्य गरेका छन् । उमेर नपुगी गरेको विवाहले बालबालिकाहरुको हक अधिकार हनन हुने, शारीरिक, मानसिक, शैक्षिक, आर्थिक तथा सामाजिक विकृति विसंगतिहरु निम्त्याउने भएकाले २० वर्ष पुरा नभई अपरिपक्क उमेरमा गरेको विवाहलाई मान्यता दिईन्न ।

साही अनुसार बालविवाह मुक्त प्रदेश अभियानका सहजकर्ता पविना लामा र बालहेल्पला्इन १०९८ मकवानपुरको पहल एव् भीमफेदी गाउँपालिकाका उपाध्यक्ष पार्वती राना र वडा प्रहरी कार्यालय भीमफेदीको समन्वयमा १६ वर्षिया बालक र १३ वर्षिया बालिका विचको प्रेम विवाह बदर गरिएको हो ।

विवाह बदर गर्नु भन्दा अगाडि सम्वन्धित बाललिकाहरुको अभिभावकहरु वीच भिमफेदी पालिका अध्यक्ष हिदम लामा, बालहेल्पलाइन प्रमुख झविन्द्र ज्ञवाली, सहजकर्ता पविना लामा, वडा नम्बर ६ का वडा अध्यक्ष सिताराम थापा, महिला तथा बालबालिका प्रमुख दुर्गा घिमिरे लगायतको उपस्थिततिमा छलफल चलेपछी सो विवाह बदर हुने भएको हो ।

छलफलबाट बालविवाह सम्वन्धिका कानुनी प्रावधान दुवै परिवारको अभिभावकहरु प्रष्ट भए पछि आआफ्नो छोराछोरी आआफुले जिम्मा लिन राजी भएको हो । दुवै परिवारले आआफ्नो छोराछोरी पढ्दै गरेकाले दुबै जनालाई पढाईमा निरन्तरता दिन आफुहरुले पहल गर्ने प्रतिवद्धता समेत गरेका छन् ।

विवाह बदर भए लगतै १३ वर्षिय बालिकाको अभिभावकको सहमतिमा पालिकाको सिफारिस अनुसार केही दिन बालहेप्लाइन प्रमुख ज्ञवालीको नेतृत्वमा बालिकालाई काउन्सिलको लागि बालहेल्पला्इन हेटौंडामा पठाइएको छ । यस्तै गरी हेटौंडा उपमहानगरपालिका १४ का १३ वर्षिय बालिका र बकैया ७ का १७ वर्षिया बालक वीचको पनि प्रेम विवाह बदर गएिको छ ।

बकैया ७ वडा अध्यक्ष रामकाजी लामिछानेको नेतृत्वमा बालहेल्पला्इन हेटौंडामा बालबालिकाको दुवै परिवार झिकाएर गरेको छलफलबाट अभिभावकहरुले आफ्नो छोरा छोरी जिम्मा लिएको हो । छलफलमा बकैया ७ का अध्यक्ष रामकाजी लामिछाने, सहजकर्ता पविना लामा, बालहेल्पला्इनका झविन्द्र ज्ञवाली, हेटौंडा उपमहानगरपालिकाबाट कानुनी सहनकर्ता रोनिता लम्साल तथा उपमेयर मिना लामाको सचिवालयबाट रुपा विडारीको सहभागिता रहेको थियो । बालिकालाई अभिभावकको सहमति र उपमहानगरपलिकाको सिफारिसमा केही दिन बालहेल्पला्इन मा राखिएको छ भने बालकलाई उसैको परिवारको जिम्मा लागाईएको छ ।

यसमा तपाइको मत

Your email address will not be published. Required fields are marked *


*