बाराक ओबामा यो भव्य घर किनेर डिसीबाट बसाइँ सरे

जनपत्र
२१ मंसिर २०७६, शनिबार ०७:००

अमेरिकाका पूर्व राष्ट्रपतिको बाराक ओबामाको परिवार म्यासाचुसेट्सको मार्थाज् भेनियार्डका स्थायी बासिन्दा भएका छन्। ओबामाले भेनियार्डमा झण्डै १२ मिलियन अमेरिकी डलरमा सुविधा सम्पन्न घर किनेका छन्। ओबामा परिवारले म्यासाचुसेट्स राज्यको ड्युक्स काउन्टीमा पर्ने पर्यटकिय केन्द्र मार्थाज् भेनियार्डको एड्गरटाउनमा ३० एकड जमिनमा फैलिएको सुविधा सम्पन्न घर किनेका हुन्।

उनीहरुको घर सात बेडरुमसहितको घर ६ हजार ८९२ स्क्वायर फुटमा फैलिएको छ। यो घरलाई उनीहरुले ११।७५ मिलियन अमेरिकी डलर तिरेका हुन् । सन् २००१ मा निर्माण भएको सो घर ओबामाले विक्लेफ ग्रोसबेक र कोरिन बास्लर ग्रोसबेकबाट किनेका हुन्। सन् २०१५ देखि बेच्नका खोजिएको सो घरको मूल्य सुरुमा २२।५ मिलियन अमेरिकी डलर कायम गरिएको थियो । तर यो वर्ष घरको मूल्य दुई पटक घटाइएको थियो। गएको जुनमा १६।२५ मिलियन कायम गरिएको घरको मूल्य जुलाईमा थप घटाएर १४।८५ मिलियन कायम गरिएको थियो ।

यसमा तपाइको मत

Your email address will not be published. Required fields are marked *


*