हेटौंडा–१२ उपनिर्वाचनः मतदानका लागि सम्पूर्ण तयारी पुरा, भयरहित वातावरणमा चुनाब गराउने प्रशासनको तयारी
हेटौंडा । हेटौंडा उपमहानगरपालिका वडा नम्बर–१२ मा भोली हुने उपनिर्वाचनका लागि सम्पूर्ण तयारी पुरा भएको छ । चुनाबका लापि मतपत्र, मत पेटिका, निर्बाचनमा खटिने कर्मचारी समेत पुगेर सबै कामको तयारी गरिसकेको मकवानपुरका प्रमुख जिल्ला अधिकारी तिर्थराज चिलुवालले बताए ।
निर्वाचनका लागि सबै दलहरु पनि एकताबद्ध भएर भयरहित वातावरणमा सम्पन्न गराउनका लागि समहत भएको र त्यही अनुसार काम भइरहकेो उनले बताए ।
निर्वाचनका लागि सुरक्षा व्यावस्था पनि कडा पारिएको छ । नेपाली सेना, ससस्त्र प्रहरी, जनपत्र प्रहरी पर्याप्त रुपमा परिचालन गरिएको प्रमुख जिल्ला अधिकारी चिलुवालले बताए । आम मतदाताहरुलाई भयरहित वातावरणमा मतदान गर्ने वातावरण तयार गर्नका लागि सुरक्षाकर्मी र कर्मचारी लागिपरेको उनले बताए ।
