हेटौंडामा वसको ठक्करबाट एक जनाको मृत्यु
हेटौंडा । हेटौंडा उपमहानगरपालिका वडा नम्बर १० अन्तर्गत राप्तिपुल नजिक यात्रु बसको ठक्करबाट एकजना पैदल यात्रुको ज्यान गएको छ । विहिबार विहान करिब तीन बजेको समयमा सिलगुडीबाट काठमाडौंका लागी जाँदै गरेको ना ५ ख ७९४२ नम्बरको यात्रु बसले ठक्कर दिदा परिचय खुल्न नसकेको अन्दाजी ४०/ ४५ बर्षको जस्तो देखिन एकजना पुरुषको ज्यान गएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले जानकारी दिए । निजको घटनास्थलमै मृत्यु भएको थियो ।
घटना लगत्तै जिल्ला प्रहरी कार्यलय मकवानपुरबाट खटिएको प्रहरी टोलीले बसका चालक झापा दकम नगरपालिका १० बस्ने ३५ बर्षका सुदन श्रेष्ठलाई नियन्त्रणमा लिएको छ । शब हेटौंडा अस्पतालमा राखिएको प्रहरीले जनाएको छ ।
