सेयर बजार खुल्नासाथ उच्च गिरावट

जनपत्र
२२ फाल्गुन २०८०, मंगलवार १२:३१

काठमाडौं । सोमबार ६ प्रतिशतको वृद्धि भई बन्द भएको सेयर बजार मंगलबार भने खुल्नासाथ उच्च गिरावट देखिएको छ ।

कारोबार खुलेको आधा घण्टामा नेप्से परिसूचक अघिल्लो दिनको तुलनामा ४५ अंक अर्थात् २.१९ प्रतिशत घटेको छ । परिसूचक घट्दा कारोबार रकम भने उच्च भएको छ । आधा घण्टामै १ अर्ब १९ करोड ९९ लाख रुपैयाँको कारोबार भएको छ ।

११ : ३० बजेसम्म ३४ कम्पनीको मूल्य बढ्दा २०५ को घटेको छ भने ६ को स्थिर रहेको छ । सबै क्षेत्रका सूचकहरु घटेका छन् । ११ : ३० सम्म बैंकिङ २.४, विकास बैंक २.६, फाइनान्स १.८, होटल १.८, हाइड्रोपावर २.३, जीवन बीमा २.५, उत्पादन २.४, निर्जीवन बीमा १.३ र अन्य समूह २.६ प्रतिशत घटेका छन् ।

यसमा तपाइको मत

Your email address will not be published. Required fields are marked *


*