मैदान हिलाे भएपछि नामिबिया र नेदरल्याण्डसकाे खेलमा ढिलाइ

जनपत्र
११ फाल्गुन २०८०, शुक्रबार ११:३५

काठमाण्डौ – आईसीसी क्रिकेट विश्वकप लिग–२ अन्तर्गत नामिबिया र नेदरल्याण्डबीचको खेलको टस ओसिलो मैदानका कारण प्रभावित भएको छ । कीर्तिपुरमा रहेको त्रिवि क्रिकेट मैदानमा सवा ९ बजे शुरु हुने खेलका लागि हुनुपर्ने टस ओसिलो मैदानका कारण केही समय पछि सरेको नेपाल क्रिकेट संघ (क्यान) ले जनाएको छ । हिजोको वर्षाले मैदान ओसिलो बनाएको हो ।

लिग–२ को जारी शृङ्खलामा नामिबियाले ३ खेलमा २ खेल जितेको छ भने नेदरल्याण्डसले २ खेलमा एक खेल जितेको छ । नामिबियाले नेपालसँगको दुवै खेल जितेको छ भने नेदरल्याण्डससँगको खेलमा हारेको थियो । त्यस्तै नेदरल्याण्डसले नामिबियालाई जिते पनि नेपालसँग हारेको थियो । नेदरल्याण्डस र नामिबियाबीच अहिलेसम्म भएका दुई एक दिवसीय खेलमा दुवै खेल नेदरल्याण्डस्ले जितेको छ ।

यो खेलपछि पर्सि आइतवार नेपालले नेदरल्यान्ड्ससँग खेल्ने छ । लिग– २ मा आठ वटा देश खेलिरहेका छन् । नेपालसहित नेदरल्याण्डस्, नामिबिया, क्यानडा, ओमान, स्कटल्याण्ड, युएई र अमेरिका रहेका छन् । आईसीसीका अनुसार लिग–२ मा शीर्ष ४ स्थानमा रहने टोली विश्वकप क्वालिफायरमा छनौट हुने छन् भने पछाडी रहेका ४ देशले पनि विश्वकपमा छनौट हुने अवसर पाउने छन् ।

यसमा तपाइको मत

Your email address will not be published. Required fields are marked *


*