गाडीको टायर चोर्दाचोर्दै चितवनको भट्टराई हेटौंडामा पक्राउ
बिग्रिएर सडकमा रोकेर राखिएको गाडीको टायर चोरी गर्दागर्दै एक जना पक्राउ परेका छन्। पक्राउ पर्नेमा चितवन खैरहनी नगरपालिका-१३ घर भएका २६ वर्षीय दिपेन्द्र भट्टराई छन्। उनलाई इलाका प्रहरी कार्यालय पशुपतिनगर मकवानपुरको टोलीले आइतबार राति ८ बजे टायर चोरी गर्दागर्दै पक्राउ गरेको हो।
भट्टराईले हटौंडा नगरपालिका–१५ स्थित पूर्वपश्चिम राजमार्गमा बिग्रिएर रोकी राखेको एनएल०१डी ८०३१ नम्बरको भारतीय गाडीमा लिबर र ह्विल पाना प्रयोग गरी टायर चोर्न थालेका थिए। पक्राउ परेका भट्टराई नजिकै रोकेर राखेको ना३ख ८०३६ नम्बरको गाडीका चालक भएको प्रहरीले जनाएको छ।
