थाहानगरमा रहेको सुन्दरीदेवी माविको भवन हस्तान्तरण
थाहानगर / नेपालको शिक्षा प्रणालीमा ९० प्रतिशत शिक्षा प्राविधिक हुनु पर्ने प्रदेश नं ३ का मुख्य मन्त्री डोरमणि पौडेलले बताए । थाहा नगरपालिका वडा नं ७ मा रहेको सुन्दरीदेवी माध्यामिक विद्यालयको नवनिर्मित भवन उद्घाटन गर्दै कार्यक्रमका प्रमुख अतिथी पौडेलले यस्तो बताएको हो ।
जाइकाको ४ करोड ६ लाख बराबरको आर्थिक सहयोगमा निर्माण भएको सुन्दरीदेवी माविको भवन हस्तान्तरण बुधबार उद्घाटन गरिएको हो । कार्यक्रमको बिच सोही विद्यालयका व्यवस्थापक विनायक गोलेको शब्द रचना र सानोबाबु मुक्तानको स्वरमा सजिएको विद्यालयको परिचय गित बिमोचन समेत विमोचन गरिएको थियो ।
२०७५ कार्तिक देखि निर्माण सुरु भएको विद्यालयको भवन २०७७ भाद्रमा निर्माण सम्पन्न भएको हो । अपाङ्गमैत्री रुपमा निर्माण भएको ९ कोठे भवन निर्माण कम्पनीले सम्झौता भए भन्दा ६ महिना अगावै निर्माण सम्पन्न गरेको विद्यालयका व्यवस्थापक विनायक गोलेले बताए ।
यो पनि पढ्नुहोस्
