५ दिनपछि हिजो खुलेको भालुवाङ–प्युठान–रोल्पा सडक आज फेरि बन्द
काठमाण्डाै – पाँच दिनपछि हिजो आइतवार खुलेको भालुवाङ–प्युठान–रोल्पा सडक आज साेमवार फेरि बन्द भएको छ ।
सडक खण्डअन्तर्गत प्युठानको गर्जेनीमा बेलुका ७ बजेतिर पहिरो खसेपछि सडक बन्द भएको हो । अब भोलि मङ्गलवार बिहानदेखि उपकरणको प्रयोग गरेर पहिराे पन्छाउन शुरु गरिने सडक डिभिजन कार्यालय प्युठानका सूचना अधिकारी किसनप्रसाद गैरेले जानकारी दिनुभयो ।
ठूलो पहिरोका कारण गएको बुधवारदेखि बन्द भएको सडक हिजो बेलुकादेखि खुलेको थियो । तर आजदेखि सडक फेरि बन्द भएको हो । अप्ठेराे ठाउँमा माथिबाट ठूलोे पहिरो झरेको र तलपट्टि माडी नदी रहेका कारण पन्छाउन समय लागेको कार्यालयले जनाएको छ ।
प्युठान र रोल्पा आउजाउ गर्ने एकमात्र सडक बन्द हुँदा समस्या भएको छ ।
यो पनि पढ्नुहोस्
