जुलाई महिनाको तापक्रमले तोड्यो रेकर्ड : अहिलेसम्मकै गर्मी भएको वैज्ञानिकको दाबी
सन् २०२३ को जुलाई महिनाको तापक्रमले रेकर्ड तोडेको छ । आज जुलाई २८ तारिख भएको छ । अझै केही दिन बाँकी रहेकाले वैज्ञानिकहरुले यो वर्षको जुलाई महिना अहिलेसम्मकै बढी गर्मी हुने दाबी गरेका हुन् ।
वैज्ञानिकहरुले सन् २०१९ को कीर्तिमान तोड्नेगरी गर्मी भएको दाबी गरेको बीबीसीले खबरमा लेखेको छ । आगामी दिनको तापक्रमको पूर्वानुमान गर्दै वैज्ञानिकले यस्तो दाबी गरेको खबरमा उल्लेख गरिएको छ ।
जीवास्म इन्धनको प्रयोग बढ्दै जाँदा विश्वभर तापक्रम पनि बढेको दाबी वैज्ञानिकको रहेको खबरमा उल्लेख छ । विश्वमा लगातार गर्मी बढीरहेको छ । वैज्ञानिकले यो महिना विगत एक लाख २० हजार वर्षमा सबैभन्दा बढी गर्मी हुने बताएका थिए । पछिल्लो समय विश्वको तापक्रमले नयाँनयाँ रेर्कड बनाउँदै आएको छ ।
यो पनि पढ्नुहोस्
