पुलकाे बाटाे घुमाउराे भन्दै छाेटाे बाटाे जान खाेज्दा बगेर एक किशाेरीकाे ज्यान गयाे

जनपत्र
९ असार २०८०, शनिबार १०:२१

दैलेख – दैलेखमा खोलाले बगाउँदा शनिबार एक किशाेरीकाे ज्यान गएको छ । ठाँटीकाँध गाउँपालिका–४ गैरागाउँकी १६ वर्षीया उर्मिला कठायतको ज्यान गएको हाे ।

गएराति गहुँ पिस्न घट्टमा बास बसेकी ती किशोरी झोलुङ्गे पुलबाट घुमाउरो पर्ने ठानेर छोटो बाटोका लागि भूतगाढ खोला तर्न लाग्दा खोलाले बगाएको ठाँटीकाँध प्रहरी चौकीका इञ्चार्ज प्रहरी सहायक निरीक्षक (असई) कृष्ण कुँवरले बताउनुभयो ।

घट्ट नजिकैबाट खोला तर्न लागेकी ती किशोरीलाई खोलाले बगाएर झण्डै २ सय मlटर टाढा खोलाको किनारामा ल्याएको थियो । मृतक उर्मिला ठाँटीकाँध गाउँपालिका–४ मा रहेकाे देउती मावि गैरागाउँमा कक्षा १० मा अध्ययनरत हुनुहुन्थ्यो ।

यसमा तपाइको मत

Your email address will not be published. Required fields are marked *


*