जीप दुर्घटनामा पूर्व मेयर गिरीको ज्यान गयो

जनपत्र
२ असार २०८०, शनिबार ०७:४४

स्याङ्जा – चापाकोट नगरपालिकाका पूर्व मेयर शिवकुमार गिरीको जीप दुर्घटनामा ज्यान गएको छ ।

गए राति राङ खोलाबाट स्याङ्जा बजारतर्फ गइरहेको गिरी सवार बा १५ च १७०९ नम्बरको जीप पुतली बजार नगरपालिका १० बर्जामा अनियन्त्रित भई दुर्घटना भएको थियो । दुर्घटनामा गम्भीर घाइते हुनुभएका ६० वर्षीय गिरीलाई जिल्ला अस्पताल स्याङ्जा पठाएकोमा उपचारको क्रममा राति पौने बाह्र बजे ज्यान गएको जिल्ला प्रहरी कार्यालय स्याङ्जाका सूचना अधिकारी रवीन्द्र खनालले जानकारी दिनुभयो ।

सडकको भित्तामा ठोक्किएर जीप दुर्घटना भएको प्रहरीले जनाएको छ । सवारी चालक पुतली बजार नगरपालिका ९ कोल्मा बस्ने ३२ वर्षीय सुरज नेपालीलाई प्रहरीले नियन्त्रणमा लिएको छ ।

गिरी नेपाली कांग्रेसका महाधिवेशन प्रतिनिधि समेत हुनुहुन्थ्याे ।

यसमा तपाइको मत

Your email address will not be published. Required fields are marked *


*