पोर्चुगलमा सुतेकै अवस्थामा बाँके खजुराका एक युवाको ज्यान गयो
काठमाण्डौ – वैदेशिक रोजगारीका लागि आठ महिनाअघि पोर्चुगल पुगेका बाँके खजुराका एक युवाको ज्यान गएको छ ।
खजुरा गाउँपालिका–१ चन्द्रनगरका ३३ वर्षीय गणेशमान साराङकोटीको शुक्रवार सुतेकै अवस्थामा ज्यान गएको गैर आवासीय नेपाली सङ्घ पोर्चुगलका अध्यक्ष रविन अधिकारीले जानकारी दिनुभएको छ ।
साराङकोटी पोर्तीमाउमा रहेको एक होटलमा कार्यरत हुनुहुन्थ्यो । उहाँ रोजगारीकै सिलसिलामा दुबई–माल्टा हुँदै आठ महिनाअघि पोर्चुगल पुग्नुभएको थियो ।
