आरोहीका सामान आसार्दै गरेका ३ जना शेर्पा सगरमाथा क्षेत्रमा बेपत्ता
आरोहीका सामान आसार्दै गरेका तीन शेर्पा सगरमाथा क्षेत्रमा हराएका छन्।
सगरमाथा आरोहणलाई सहज बनाउन बाटो बनाउने तथा आरोहीको अत्यावश्यक सामान ओसार्ने ती शेर्पा बुधवार बिहानबाट हराएका हुन् ।
उनीहरू कम्पनीको व्यवसायिक आरोहीको सामान ओसारपसारमा खटिएका थिए ।
बेपत्ता उनीहरूको र खोजी कार्य भइरहेको पर्यटन विभागका प्रवक्ता युवराज खतिवडाले जानकारी दिएका ।
उनका अनुसार शेर्पाहरू बुधवार बिहान साढे ९ बजेदेखि हराइरहेका हुन्।
बपत्ता हुनेहरूमा दा छिरी शेर्पा, लाक्पा टेण्डी शेर्पा र लाक्पा रिता शेर्पा रहेका छन् ।
उनीहरू बेस क्याम्पबाट क्याम्प वानको बीचमा बेपत्ता भएका हुन् । अहिले सिम्रिक एयरको हेलिकप्टरमार्फत उनीहरूको खोजी भइरहेको छ ।
