कलाकार विल्सनविक्रम राई ‘हात्तीछाप’ मा अनुबन्धित भएका छन्। बिहीवार राई र निर्माण टिमबीच लिखित सम्झौता भएको हो।
यस फिल्ममा विल्सन लाहुरेको भूमिकामा देखिने बताइएको छ। विल्सनको इन्ट्रीसँगै फिल्ममा कलाकारहरुको ‘लाइनअप’ बलियो भएको छ। किरण नेपालीको लगानी रहेको फिल्मको छायाङ्कन वैशाखको अन्त्यबाट सुरु हुनेछ।
दयाहाङ राई र सौगात मल्लको मुख्य भूमिका रहेको फिल्म सस्पेन्स, थ्रिलर र कमेडी जनरामा बन्नेछ। सिमोस सुनुवारको निर्देशन रहने फिल्ममा दयाहाङ, सौगात र विल्सनका साथै पुष्कर गुरुङ, वुद्धि तामाङ र प्रकाश घिमिरेको अभिनय हुनेछ।
प्रदीप भारद्धाजको कथा रहेको फिल्ममा सांसद दीपक मनाङे (राजीव गुरुङ) पनि निर्माताका रुपमा जोडिएका छन्।
