मकवानपुरमा मोटरसाइकलको ठक्करबाट एक जनाको मृत्यु
हेटौंडा । मकवानपुरको बागमती गाउँपालिका वडा नम्बर–८ साततले राजबास पुलमा मोटरसाइकलको ठक्करबाट एक जनाको मृत्यु भएको छ । हेटौडा–फापरबारी सडकखण्डमा फापरबारीबाट हेटौडा तर्फ जादै गरेको बा २५ प १९०८ नम्बरको मोटरसाइकलले पैदल यात्री बकैया गाउँपालिका वडा नम्बर–८ खजुरीदमार बस्ने ५० वर्षिय दिल बहादुर स्याङतानलाई ठक्कर दिदा उनको मृत्यु भएको हो ।
आज बिहान ४ बजेको समयमा मोटरसाइकलको ठक्करबाट घाइते भएका स्याङतानलाई हेटौंडा अस्पतालमा उपचारका लागि ल्याएपछी डाक्टरले आज बिहान मृत घोषणा गरेका थिए । मोटरसाइकल चालक फरार रहेपनि मोटरसाइकल भने प्रहरीको नियन्त्रणमा रहेको छ ।
