मकवानपुरमा अटो दुर्घटना हुँदा एक जनाको मृत्यु
हेटौंडा । मकवानपुरको भीमफेदी गाउँपालिका वडा नम्व ४, ठुलो गुण्डिङमा आज दिउँसो अटो दुर्घटना हुँदा एक जनाको ज्यान भएको छ । दिउँसो १२ बजेको समयमा ठूलो गुण्डिङस्थित भित्री सडकखण्डमा सानो गुण्डिङबाट भैंसेतर्फ आउँदै गरेको ना २ ह ४६८९ नम्बरको अटो अनियन्त्रित भई सडकबाट अन्दाजी ९० मिटर तल खोल्सीमा खसेर दुर्घटना हुँदा एक जनाको ज्यान गएको मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
दुर्घटनामा परेर अटो चालक भीमफेदी गाउँपालिका वडा नम्वर २, भैंसे बस्ने अन्दाजी ६५ वर्षीय सुब्बा बज्यु तामाङको ज्यान गएको हो । उनको घटनास्थलमै ज्यान गएको प्रहरी नायव उपरीक्षक कार्कीले बताए । घटनाको मुचुल्कासहित आवश्यक अनुसन्धान कार्य भईरहेको जनाइएको छ ।
