शीर्ष स्थानको आर्सनलको सहज जित
इंग्लिस प्रिमियर लिग फुटबलमा आर्सनलले शीर्ष स्थानमा ५ अंकको अग्रता लिएको छ ।
गयराति भएको खेलमा एभर्टनमाथि ४-० गोलको जित दर्ता गर्दै ३ अंक थप गरेपछि आर्सनलको २५ खेलबाट ६० पुगेको छ ।
दोस्रो स्थानमा रहेको म्यानचेस्टर सिटीको समान खेलबाट ५५ अंक रहेको छ ।
गयराति आर्सनललाई जिताउँदा ४० औं मिनेटमा बकायो साकाले गोल गर्दै अग्रता दिलाएका थिए ।
पहिलो हाफको अतिरिक्त समयमा ग्याब्रिएल मार्टिनेलीले अग्रता दोब्बर बनाए ।
पहिलो हाफमा २ गोल गरेको आर्सनलले दोस्रो हाफमा पनि सोही लयलाई निरन्तरता दिएको थियो ।
७१ औं मिनेटमा मार्टिन ओडगार्डले आर्सनलको अग्रता तेब्बर बनाएका थिए ।
ग्याब्रिएल मार्टिनेलीले व्यक्तिगत दोस्रो र टिमका लागि चौथो गोल गर्दै फराकिलो जित पक्का गराए ।
पराजित भएको एर्भटन भने २१ अंकका सात पुछारबाट तेस्रो स्थानमा छ ।
