एमाले टोल टोलमा जाने
हेटौँडा । नेकपा एमाले पार्टी केन्द्रद्वारा सञ्चालित मिसन ग्रासरूट ९पार्टी सुदृढीकरण तथा विस्तार अभियान २०७९०, अभियान सञ्चालन गर्ने क्रममा पार्टी संगठन बलियो बनाउँदै पहिलो र बहुमतको पार्टी निर्माण गर्न वडाको टोल टोलमा जनता र कार्यकर्ताको बीचमा जाने हेटौँडा १४ नं वडा कमिटीको बैठकले निर्णय गरेको छ ।
बैठकले जनसंगठनको वडा कमिटी, पार्टी टोल कमिटी व्यवस्थित बनाउने, पार्टी सदस्य नवीकरण र नयाँ सदस्यता वितरणको लागि फागुन महिनासम्म सम्पन्न हुने गरि अभियान टोली बनाई सञ्चालन गर्ने निर्णय गरेको वडा सचिव केदार थिङ्गले बताउनु भयो ।
केन्द्रीय पोलिटव्यूरो सदस्य तथा केन्द्रीय प्रतिनिधि पार्वत गुरूङ्गको प्रमुख आथित्यतामा तथा पार्टी वडा अध्यक्ष प्रेमबहादुर मुक्तानको अध्यक्षतामा बसेको बैठकमा प्रदेश सदस्यहरू गोपाल श्रेष्ठ, जिल्ला कमिटी सचिव नवीन सिग्देल, सचिवालय सदस्यहरू सुनिल मुक्तान, दिपक खड्का, जिल्ला सदस्य विना थिङ्ग, पार्टी उपमहानगर कमिटीका सचिव बोलबहादुर कार्की जिल्ला सल्लाहकार परिषद्का सचिव तुलसी रिजाललगायत वडा र नगर नेताहरूको उपस्थिति रहेको थियो ।
यो पनि पढ्नुहोस्
