इजरायलद्धारा सिरियामा हवाई आक्रमण, १५ जनाको मृत्यु
इजरायलले आइतबार बिहानै सिरियाको राजधानी दमास्कसमा हवाई आक्रमण गरेको छ । हवाई आक्रमणले आवासीय क्षेत्रलाई निशाना बनाएको थियो ।
सिरियाको सरकारी मिडिया एजेन्सी सानाले दमास्कस प्रहरी कमाण्डको स्रोतलाई उद्धृत गर्दै आक्रमणमा १५ जनाको मृत्यु भएको र धेरै घाइते भएको बताएको छ।
राजधानी दमास्कसमा स्थानीय समय अनुसार १२ बजेर ३० मिनेटतिर ठूलो विस्फोटको आवाज सुनिएको थियो र मिडिया एजेन्सी सानाले सिरियाली वायुसेनाले पनि दमस्कस वरपर आक्रमणको जवाफ दिइरहेको बताएको छ। अर्कोतर्फ, इजरायलबाट आक्रमणको बारेमा तत्काल कुनै बयान आएको छैन। इजरायलले प्रायः दमास्कस वरपरका क्षेत्रहरूलाई निशाना बनाउँछ।
