स्रोत नखुलेको नगद ९ लाख २० हजारसहित एक पक्राउ
विराटनगर महानगरपालिका –१० सोमबारे चोकबाट स्रोत नखुलेको नेपाली रुपैयाँ ९ लाख २० हजारसहित प्रहरीले एक जनालाई पक्राउ गरेको छ । विराटनगर महानगरपालिका–१९ बस्ने ४१ वर्षीय रंजितकुमार साहलाई हिजो प्रहरीले पक्राउ गरेको हो ।
सीआरभी घोगापुलबाट खटिएको प्रहरीले बिआर ३८ एन ४९३० नम्बरको मोटरसाइकल जाँच गर्नेक्रममा मोटरसाइकलमा सवार उनलाई उक्त नगदसहित फेला पारी पक्राउ गरेको हो । प्रहरीका अनुसार उनीमाथिको थप अनुसन्धान भइरहेको छ ।
