मकवानपुरमा पिकअप गाडी दुर्घटनामा एक जनाको मृत्यु, ८ जना घाइते
हेटौंडा । मकवानपुरमा पिकअप गाडी दुर्घटनामा एक जनाको मृत्यु भएको छ भने ९ जना घाइते भएका छन् । मकवानपुरको भिमफेदी गाउँपालिका–२ भैंसेस्थित कालिप्रसाद गण आर्मी ब्यारेक नजिकै भएको पिकअप गाडी दुर्घटनामा घाइते भएका मध्ये एक जनाको मृत्यु भएको छ ।
आइतबार बिहान त्रिभुवन राजपथ अन्तर्गत आँपचौर नजिक थहानगरको दामन तर्फ जादै गरेको ना ४ च ९४१ नम्बरको पिकअप भ्यान आफै अनियन्त्रित भई नालिमा दुर्घटना बारा बिश्रामपुर गाउँपालिमा-३ बस्ने अन्दाजी २० बर्षीय राहुल कुमार पण्डितको ज्यान गएको हो। दुर्घटनामा घाइते उनको उपचारको क्रममा हेटौडा अस्पताल मृत्यु भएको मकवानपुर प्रहरी प्रवक्ता एवं प्रहरी नायव उपरीक्षक टेक बहादुर कार्कीले जानकारी दिए ।
पिकअप गाडी आफै अनियन्त्रित भएर नालिमा दुर्घटना भएको थियो । प्रहरीका अनुसार दुर्घटनामा चालक सहित ८ जना घाइते भएका छन् । घाइते हुनेमा भारत झारखण्ड बस्ने ३६ वर्षीय बिजय दास, पर्सा बिरगंज माहानगरपालिका १७ बस्ने १८ बर्षीया सुमित गुप्ता, पर्सा बौदरमाई नगरपालिका–५ बस्ने २६ वर्षीय दिनानाथ प्रसाद, सोही स्थान बस्ने २८ को उमेस कुस्वाह, बारा बिश्रामपुर गाउँपालिका–३ मुसरहवा बस्ने १८ वर्षीय सिबजी साह, सोही स्थान बस्ने१८ वर्षीय धिरज चौरसिया, १७ वर्षीय पप्पु कुमार गुप्ता र २७ वर्षीय अजय चौरसिया रहेको प्रवक्ता कार्कीले बताए ।
प्रवक्ता काकीका अनुसार घाइतेहरुको हेटौंडा अस्पतालमा उपचार भइरहेको छ । सामान्य घाइते भएका सवारी चालक फरार रहेका छन् । अस्पताल तर्फ जान्छु भनेर हिडेका सवारी चालक हालसम्म सम्पर्कमा नरहेकोले खोजी कार्य भइरहेको प्रवक्ता कार्कीले बताए ।
