पहिराे हटाएपछि दाङ–सल्यान सडक खण्ड खुल्याे
दाङ – पहिरो हटाएपछि दाङ–सल्यान सडक खण्ड खुलेकाे छ । राप्ती राजमार्ग अन्तर्गत दाङको तुलसीपुर उपमहानगरपालिका ३ साततलेमा झरेको पहिरो एक्स्काभेटरले पन्छाएपछि सडक खण्ड दिउँसोदेखि सञ्चालनमा आएकाे हाे ।
पहिरो पन्छाएसँगै दाङ–सल्यान–रुकुम र पश्चिम रोल्पा चल्ने गाडी चल्न थालेका जिल्ला प्रहरी कार्यालय दाङले जनाएको छ ।
दाङको घोराही–रोल्पाको होलेरी सडक खण्ड भने अझै खुलेको छैन । शहीद मार्ग अन्तर्गत घोराहीदेखि होलेरी जोड्ने सडक खण्डमा दाङको दुई खोली प्रहरी चौकीभन्दा केही उत्तरतर्फ मोडमा झरेको पहिरो पन्छाउने काम भइरहेकाे प्रहरी नायब उपरीक्षक (डीएसपी) एवम् प्रवक्ता राजन गौतमले जानकारी दिनुभयो ।
