हेटौंडा–४ का वडा अध्यक्ष सिग्देलमाथि आफ्नै कार्यकक्षमा हातपात
हेटौंडा । हेटौंडा उपमहानगरपालिका वडा नम्बर–४ का वडा अध्यक्ष नविन सिग्देल माथी आफ्नै कार्यकक्षमा कुटपीट भएको छ । नेकपा एमाले मकवानपुरका सचिब समेत रहनु भएका सिग्देललाई नेकपा एमाले जिल्ला कमिटीका सदस्य समेत रहेका सानुलामा दोङले कार्यकक्षमै कुटपीट गरेका हुन् ।
बिभीन्न विषयमा बिवाद भएपछी कार्यकक्षमै लामाले हातपात गरेका हुन् । आफू कुटिएपछि जिल्ला प्रहरी कार्यालय मकवानपुरमा आवश्यक कारबाहीका लागि सिग्देलले उजुरी दर्ता गराएका छन् । जिल्ला प्रहरी कार्यालय मकवानपुरका प्रहरी उपरीक्षक बामदेब गौतमले सानुलामा दोङले आफूमाथि कुटपिट गरेको भन्दै वडा अध्यक्ष सिग्देलले उजुरी दर्ता गरेको बताउनुभयो ।
‘उजुरी दर्ता गरेलगत्तै प्रहरीले सानु लामा दोङलाई पक्राउ गर्न खोजी गरेको थियो । उहाँको मोबाइल अफ छ, घरमा हुनुहुन्न । हामीले खोजी गरिरहेका छौं ।’ प्रहरी प्रवक्ता टेक बहादुर कार्कीले भन्नुभयो, ‘उहाँहरुको पार्टीगत कुरा रहेछ । आफूमाथि हातपात भएकाले कारबाहीको माग गर्दै वडाध्यक्षले उजुरी दिनुभएको छ । कुटपिट गर्ने लामालाई हामी खोजिरहेका छौं ।’ वडाध्यक्ष सिग्देलले आफूमाथि कुटपिट हुनु गलत भएको प्रतिक्रिया दिनु भएको छ ।
